初二開年，大吉大利

今日大年初二，祝大家“大吉大利，萬事勝意!”

係屋企無咩做，整左d cookies 帶番娘家，大家開心吓.

糕! 糕! 糕! 收爐啦

嘩..... 終於可以收爐啦. 今年8底蘿蔔糕，7底苧頭. 聽落好似唔係好多，但全程都只得一個人做都幾辛苦，雖然以往都係咁整，整完都一頭煙架. 以前都有整埋年糕，但發現次次都食唔晒，今年唔整啦.

年三十啦，祝願大家新年快樂! 恭喜發財! 步步高陞! 身體健康! 世界和平!

Happy Valentine`s Dinner

情人節對我地嚟講都無咩特別，只係多個藉口又食餐好d, 當然亦唔會出街食啦，我最唔鍾意做水魚!

為左應下節，都會煮西餐，仲搵埋老友記兩公婆一齊嚟吹下水，幾開心架!

情人節餐單:

牛尾湯伴蒜茸包
肉眼扒伴沙律菜
海鮮併盤 (生蠔. 螺. 蝦)
白酒煮青口
白汁象拔蛘
法式煎蟹餅
Strawberry Mousse Cake

以上菜單，你估情人節係出面要食幾多錢??

蘿蔔糕測試版

農曆年又到啦，都係時間要預習下，一年先整一次糕，好易唔記得d 步驟嘅。

今年見好多網友，買左呢隻木刨，刨出嚟比較粗身，好接近切條. 幾好用!

今日少少地整底細蘿蔔糕，效果唔錯，靚仔呀！

行山後的回報

离日見天氣幾好，即慶出去行下山. 今次行條新路，由谷埔上烏胶騰，但全程都上山加石梯，確實幾辛苦。。。。。

夜晚呢餐當然要對自己好d啦，煎牛扒加沙律菜，好滿足啦!

Birthday cupcakes

老友生日，今年小姐話唔要大蛋糕，要cupcakes, 真攪笑. 無所謂啦，佢叫到，咩都無問題.

蒸蠔餅

离日手痕痕玩煎蠔餅，今次用左鴨蛋，加左好多蔥粒莞茜粒，味道好好，但唔夠脆身，個粉槳還欠小小，要再研究吓......