Rebe's Kitchen: 訂購篇

顯示包含「訂購篇」標籤的文章。顯示所有文章

2015年11月8日星期日

嘩.....好多糖呀！

姪孫B雖然過左生日，但小朋友生日會總係開唔停. 生日正日係迪士尼攪，係果度訂埋蛋糕，因為有“咪咪”陪切餅........

今日幾位小朋友一齊攪生日派對，mo 媽一早已經叫我整餅，只要最簡單嘅海綿蛋糕. 由最平凡嘅.......整到佢不平凡，做最軟熟嘅海綿蛋糕，配上法式馬零整嘅buttercream, 掂! 加埋好colourful 嘅jelly beans 做裝飾........係細路見到都like 爆!

2015年4月27日星期一

攻呀攻快搶攻 ! 射呀射射它吧。。。。。

呢個project 無得頂，不得不讚，雖然仲有改善空間，但已經好精彩啦! 加埋呢位媽咪DIY 左d 插card 放係cupcakes到，更靚! 唔同角度有唔同效果，得!

由老友記比order 開始，即刻上網睇資料，搵裝飾，點樣搆思係最好......... 結果已經好滿意啦!

Birthday cake
29cm x 20cm
White chocolate with passion fruit filing

Cupcakes
紅絲絨及朱古力夾raspberry filing

各樣都受歡迎!

多謝又有一次新挑戰!

2015年1月24日星期六

芝士打孖上

有日同幾位舊同事食開飯，有位同事不停話上次我果個New York Cheese Cake 好好食，另一位同事聽到，好想試，一訂就打孖上，New York Cheese Cake + Blueberry Cheese Cake, 我叫佢訂一個先啦，又未食過，不過佢都想一次試晒2種味，無問題嘅，最緊要佢高興。

2015年1月18日星期日

My first order in 2015

今年第一張order 係整比13歲小妹妹生日，呢個age 有小小頭痕，唔大唔細，又不得太小朋友，亦唔可以太成熟，好采佢媽咪話女女鍾意粉紅色同紫色，仲有macarons, 咁就易好多啦.

睇下呢個，女孩子應該好鍾意啦!

2014年6月15日星期日

起貨日。。。。

呢兩日好忙，要起蛋糕同macarons，忙，忙，忙。。。。。

先交個Batman 蛋糕，同埋muffins. 呢期Batman 蛋糕做型都好唔錯呀，襯埋muffins, 絕!

下就好努力做macarons, macarons 最慘係，唔係次次出嚟都ok, 時得時唔得，最終都攪掂晒。

2014年4月27日星期日

再嚟型爆birthday cake

Lucas 小朋友6歲生日，繼上星期開左個pre~birthday party 後，离日正日就跟家人一齊慶祝。

知道Lucas 鍾情macaron, 刻意用左macarons 做蛋糕裝飾，下邊粒粒係麥提沙，掃上小小金粉，即刻變得不平凡啦！加埋駕小車仔，生日牌，朱古力面洒上金粉，成個蛋糕比我預期出色，型!

蛋糕味道都係配合小朋友味道，朱古力軟心蛋糕，由底層海綿蛋糕起，跟住榛子朱古力薄脆，朱古力mousse, 再海綿蛋糕，朱古力mousse, 最後倒上黑朱古力鏡面，完美!

今次cupcakes, 味道同上次一樣，檸檬小蛋糕配藍莓filing, 同埋朱古力小蛋糕，topping 用左好colourful 糖粒，以星星為主，望落去好開心，好party feel, 滿意!

2014年4月21日星期一

型爆cupcakes

小朋友party, 型爆cupcakes ~ "Ninjago Ninjas"

最型都係d Ninjago toppers, 係Lucas 媽咪自已整，正!

2014年4月12日星期六

蛋糕背後。。。。

近呢個月，由結婚，生日，100日滿月，嚟緊結婚週年，都做過晒，自己都覺得好勁!

雖然每次做蛋糕前，我都要準備好多野，由構思，買野，動工，包裝，甚至清理現場，都係自己一手包辦，會累，會有心理壓力，但完成後，朋友嘅讚賞，就係自己最大的鼓舞，果份滿足感已經足夠蓋過之前嘅累及壓力啦！亦好感恩，朋友們對我嘅信任，每次都由我自由發揮，令自己可以盡情去做，做得令朋友們開開心心。多謝大家!

今日，就一次過起兩個cheese cake, 7" & 10"，分別係 American Cheese Cake & Hazelnut Blueberry Cheese Cake. 一個生日，一個100日滿月，不得不比自己一個 "Like"!

2014年3月30日星期日

送給好朋友的結婚禮物

好朋友結婚，搵左我幫手整cupcakes, 當然無問題啦，興奮又緊張，話晒係佢地大日子，不能失禮。有好幾晚都瞓唔着啦。。。。。

星期五晚，用左3個鐘，焗左五十幾個餅，計劃星期六朝用兩個鐘做cream 同裝飾，8點開始整。。。。點知出事。。。。。可能用座枱大機打得太耐，變晒水！死得啦，牛油用晒，啦啦聲落樓下超市再買，貴好多，但無計，再用手動機做，就無事，但時間緊迫，做完執好晒野都12點半，約左車1點半到，即刻去裝身化妝，成朝都只係食左個橙咋。

感恩，出嚟都幾見得吓人，在場d 人都讚好。心情終於放鬆晒。。。。

我的心意，張生張太已經收晒，祝你地永遠都甜甜蜜蜜，幸福滿溢。