送給好朋友的結婚禮物

好朋友結婚，搵左我幫手整cupcakes, 當然無問題啦，興奮又緊張，話晒係佢地大日子，不能失禮。有好幾晚都瞓唔着啦。。。。。

星期五晚，用左3個鐘，焗左五十幾個餅，計劃星期六朝用兩個鐘做cream 同裝飾，8點開始整。。。。點知出事。。。。。可能用座枱大機打得太耐，變晒水！死得啦，牛油用晒，啦啦聲落樓下超市再買，貴好多，但無計，再用手動機做，就無事，但時間緊迫，做完執好晒野都12點半，約左車1點半到，即刻去裝身化妝，成朝都只係食左個橙咋。

感恩，出嚟都幾見得吓人，在場d 人都讚好。心情終於放鬆晒。。。。

我的心意，張生張太已經收晒，祝你地永遠都甜甜蜜蜜，幸福滿溢。