好一餐家常便飯

其實懶左好耐，加埋天氣太熱，都唔想整太多，又唔知食咩好。

但今日突然想食芝士蝦焗飯，再清清地煮個金銀蛋浸絲瓜，蒸多條班仔，雖然整完都週身汗，總好過熱辣辣出去搵食嘅。

香蒜刁草欖油浸廣島蠔

參考過Jacky Yu 食譜，自己再加重少少份量，用埋澳門買嘅oliver oil, 效果好好，下次去開澳門都要入多d油啦。

呢個預先整定，可以放係雪櫃幾日，係做前菜嘅首選！

冬瓜盅

离晚老公請左幾位老朋友上嚟食飯，整左幾味家常便飯，當然亮點就係個冬瓜盅啦，而家係街食，好少有成個冬瓜出啦，只係一份冬瓜環就算，自己整，點都真材實料啦。