朋友嚟飯局，決定又焗隻乳豬，因為得4個人，唔好整得太多野，朋友鐘意食蟹，就整個咖哩蟹，仲有雜菜沙律，加埋Sangria, 小小芝士頭盤，甜品嚟個清新嘅strawberry mousse 就已經大滿足啦！
工作忙完，又要忙屋企事。。。。。總要搵個位，停一停，放鬆一下! 簡單整個慢煮羊架 (56.5°C 2.5hrs) 配個印度白飯，飲番杯紅酒，那有得輸呢！
今日心血來潮，想食口水雞，仲玩手撕果隻，不過今次雪得唔夠，下次雪凍d就更正。
食譜:
http://rebekitchen.blogspot.hk/2015/11/blog-post.html
呢2日整左唔同餸，都用煎米粉做底! 离日整薑蔥大蝦，d汁混埋d脆米粉，好好味! 今日就整冬陰功煮雞，好好味，不過d汁唔太配合煎米粉，配飯應該比較適合。
大年初三，老友記一家嚟拜年，實在街市唔多野賣，玩爐端燒就最好啦，好唔覺意地，竟然買到隻大肉蟹，整左胡椒蟹，好惹味，可以係街市買到呢種肉蟹，實在可遇不可求!
