私房菜@南丫島

老公舊同事攪左轉私房菜，5舊水，食得飽飽，大廚水準仲好掂！食完仲聽佢講吓佢d威水駛，的確有趣。

排毒冬瓜青蟹湯

啦啦啦，唔好又話我食蟹呀！

今日街市叔叔教架，呢d 海青蟹係用嚟煲冬瓜湯，有排毒作用架，咁有益，點都要煲吓啦：） 煲完d 蟹味已落晒個湯到，d 蟹都無咩味囉！但個湯好鮮甜, 老公話仲好解喝tim.

材料：青蟹，冬瓜，雪耳，排骨，果皮，無花果，薏米，黑豆，花生，煲個半鐘就飲得啦。

 

 

日式芝士蛋糕

買左隻新品牌芝士，話用嚟整日式芝士蛋糕唔錯。

 

今日整左出嚟，味道真係唔錯。

新配搭 ～ 雪菜苦瓜炒肉粒

上日睇報紙, 有專欄提到, 苦瓜加上雪菜一齊炒嚟食, 係唔錯嘅配搭, 材料又方面易買, 自己又試試. 雪菜下面1/3 葉位唔要, 切粒, 苦瓜, 梅頭肉切粒, 一齊炒熟. 結果係好好食, 呢個配搭真唔錯, 亦好好送飯. 切記, 雪菜已有味道, 輕輕加少許調味已足夠.

 

 

Crab + crabs = 瘋了

實左好多年都未再食過黃油蟹啦, 第一次食, 係元朗街市見到, 即本一試啦, 嘩........... 好味到呀! 黃油膏多不在話下, 味道確實與別不同的香. 而家, 黃油蟹實在太貴, 唔多舍得食. 今日, 係大埔街市, 見到有得賣, 老公話不如試一隻啦, 都好貴, 幾舊水架! 帶左一隻番屋企, 先放入雪櫃凍死佢先好蒸, 蒸好左, 唔駛講, 睇相.................不過食落口, 還欠了一點蟹香, 未搵番當年嘅味道.

 

另外魚檔哥哥又幫我留左蟹, 花蟹仔, 用左嚟薑蔥炒加伊麵底, yummy!