咖哩蟹

感謝朋友嘅安排，上日可以跟一位泰國廚學整咖哩蟹，冬陰功湯同泰式海南雞飯。

到自己點都要整番轉嘅，先整咖哩蟹先，做法同我平時有唔同，用嘅咖哩粉係巴基斯坦出嘅，都幾香架👍. 

只可惜前日係印度店買左包薄餅，唸住送咖哩，超唔得，激死! 早知都係自己整蒜茸包啦!

素湯

今日好介紹，無難度，素湯推介:

紅蘿蔔，粉葛，粟米，馬蹄，蓮藕，栗子，幾粒紅棗，一塊果皮，煲2-2.5 粒鐘，攪掂!

學泰菜

朋友好介紹，搵左個煮泰菜的老師上門教整泰菜，老師其實係泰菜館到做廚，不過朋友去佢間鋪食到好熟，所以搵佢上嚟教下路.

离日教整左3樣餸
咖哩蟹
冬陰功湯
海南雞飯

唔教真係唔知，有d 步驟，材料，之前係唔知嘅. 例如巴基斯坦咖啡粉同泰國咖啡粉係唔同，前者配花奶煮，後者配椰汁煮，前者會薄身d, 後者會結身d.

四川私房菜

係大半年前，係網上見有位明師傅可以上門做四川私房菜. 當時即刻聯絡師傅，結果就約到3月14日到我屋企開擅啦.

師傅基本要求係要有明火，最底消費係8個人餐，佢會買晒餸上到你屋企，一手一腳佢自己攪掂晒. 師傅即係師傅，刀功一流，雖然要預備好多餸料，都唔會攪到廚房好混亂.

當晚餐單如下:

私房口水鸡
園籠糯香骨
紅油拌耳片
香麻辣子田雞
水煮鮮魚片
糖醋酥衣蛋
老干媽香辣蟹
上湯燴時蔬
拔丝香芋

佢嘅手勢，一個字，“正”!