出街食過四川雞煲，其實搵啱材料，自己整又有何難。。。。繼羊腩煲後，四川雞煲都唔駛出街食啦!
(食譜稍後登出)
好耐都無玩過薑蔥炒蟹，難得買到隻堅肉蟹，炒番餐食都唔錯呀！
專登買條京蔥切件，厚薑片數片，3粒乾蔥頭一開二。 汁料 : 半湯匙麻辣醬，一湯匙蠔油，半杯雞湯，少許胡椒粉，砂糖，麻油，粟粉攪均備用。
先將蟹切件，泡油至7，8成熟，隔油備用 燒熱鑊，落油，加入乾蔥頭，薑片，京蔥炒香，加入蟹件，灒酒，上蓋焗1分鐘 加入生抽，老抽炒均，倒入已開好汁料，快炒至結身，就可以上碟。
上星期五，為老友記預祝生日，整左個朱古力蛋糕為佢賀壽，最開心係。。。一路都想搵隻雀仔做裝飾，果日竟然係花墟見到，即買! 放左係蛋糕面，的確唔同! 讚!
今次蛋糕加左隻spice chocolate powder, 可能brandy 亦加多左，混合左無咩spice 味，反而多左玉桂味，有趣!
