其實懶左好耐，加埋天氣太熱，都唔想整太多，又唔知食咩好。
但今日突然想食芝士蝦焗飯，再清清地煮個金銀蛋浸絲瓜，蒸多條班仔，雖然整完都週身汗，總好過熱辣辣出去搵食嘅。
离晚老公請左幾位老朋友上嚟食飯，整左幾味家常便飯，當然亮點就係個冬瓜盅啦，而家係街食，好少有成個冬瓜出啦，只係一份冬瓜環就算，自己整，點都真材實料啦。
出街食過四川雞煲，其實搵啱材料，自己整又有何難。。。。繼羊腩煲後，四川雞煲都唔駛出街食啦!
(食譜稍後登出)
好耐都無玩過薑蔥炒蟹，難得買到隻堅肉蟹，炒番餐食都唔錯呀！
專登買條京蔥切件，厚薑片數片，3粒乾蔥頭一開二。 汁料 : 半湯匙麻辣醬，一湯匙蠔油，半杯雞湯，少許胡椒粉，砂糖，麻油，粟粉攪均備用。
先將蟹切件，泡油至7，8成熟，隔油備用 燒熱鑊，落油，加入乾蔥頭，薑片，京蔥炒香，加入蟹件，灒酒，上蓋焗1分鐘 加入生抽，老抽炒均，倒入已開好汁料，快炒至結身，就可以上碟。
