呢碟魚仔, 係星期六魚檔哥哥送, 已經唔記得咩名, 我原風不動, 放佢入冰格, 今晚攞出嚟蒸, 加少許海鹽, 蒸完後, 只加熟油, 唔落豉油, 已鮮甜無比, 但呢隻細魚都多骨, 我只食左3條, 其餘老公清晒.
另外係街市, 買左好靚嘅腩排, 整左"糖醋骨", 突然發現屋企枝陳醋用晒, 就用左鬼佬醋, 效果唔錯, 醋味仲香.
介紹個汁料:1/4 杯黑醋 1/4 杯水 1/8杯生抽 1/8杯紹興酒或者玫瑰露 適量冰糖只要把排骨洗淨, 用少許生抽, 老抽, 麻油, 砂糖, 粟粉醃一陣, 跟住燒熱鑊, 加入已切好薑茸及蒜茸(適量), 炒香後, 加入排骨炒幾吓, 加入汁料, 最好水位係高過肉, 上蓋, 用中細火炆至收水就可以, 中途可以試吓味, 唔夠醋味或甜味, 可以自行再加.
沒有留言:
發佈留言