傳統 vs 摩登

我食月餅，都係鍾意傳統味道，鍾意傳統月餅有種獨特嘅香味，唔食得多，一兩件都總要有。 所以今年雖然生產量唔多，但都會有蓮蓉月，五仁以及豆沙月。

奶皇食法唔同，都好食，不過似食曲奇感覺。 我有幸總有2位小粉絲，每年都會專登整比佢地食。

奶皇月餅整起時當然脆口，不過隔左日就會無咁脆，皆因奶皇餡本身水份重，始終會令個皮容易“林” 身。 建議用焗爐160度焗5~6分鐘，放涼一陣，脆口就會番嚟啦。 切勿用微波爐，個皮只會越焗越“林”。