蝦醬蒸豬頸肉

星期六熱辣辣，去左大澳同陽光玩遊戲......真係攞命. 不過有好處係太熱，唔多人! 好好行!

當然順道去張財記買蝦醬，係街邊婆仔買蝦乾. 今晚就試用蝦醬蒸豬頸肉，好香呀！

好簡單，只要有豬頸肉，切d 薑絲，加2湯匙蝦醬，少許楜椒粉，半茶匙砂糖，少許生抽，生油，粟粉醃半小時就可以去蒸啦.

仲未扮到A貨.....

第2次學興記整芝士焗大蝦炒飯底，距離已經拉近左，不過仲未上到A貨，只係B+貨 .......幸好老公都仍然覺得好好食 (唔好比佢去興記食，否則.......哈哈哈)!

今次呢個食譜睇住先，等我去整第3次時會再修改.

XO 醬

多謝一位老同學分享食譜，自己再加左d 減左d...... 終於完成! 因為加左咸魚，味道野味好多，不過下次要再炒耐d, 效果會更好.

成個過程，最辛苦係撕乾瑤柱絲........ 我用上2小時去整，完成後手指都麻痺左.......如果有人可以發明撕乾瑤柱機，我一定會買!

食譜遲d post 上.

https://m.facebook.com/story.php?story_fbid=1110573892340547&id=640646479333293

海南雞飯

託朋友係星加坡帶左d 香料包番嚟，其中一樣係海南雞飯醬.

做法好簡單，只要洗好米，加2，3粒蒜頭，2枝香芧(只要白色部份同拍扁)，買到嘅就加一枝班蘭葉，倒入海南雞醬，加埋適量嘅水，如果有就加d 黃薑粉，用電飯煲煲熟就可以. 中間時間，打開蓋打均d 飯就更好.

至於隻雞，洗乾淨雞抹乾水份，雞肚放入蔥段，班蘭葉，香芧，紅蔥頭. 我用慢煮方法 70°C 2小時，跟住搵冰水浸至凍身，切件上碟。 今次貪玩起埋骨，效果當然一流啦。

辣得夠滋味

上日有朋係星加坡帶左包黑楜椒蟹醬比我，今日就買左隻大肉蟹試吓味!

味道好好，如果黑楜椒味再重d就更好，但夠晒辣，十分野味! 老公仲話要留番d 汁嚟撈麵，笑死! 下次會加入d 黑楜椒粒爆香後，先再加醬! 咁就無得頂啦!

同場加映“香茜蒜茸炒蜆” 同 “蒸燕班”。

香茜蒜茸炒蜆好籍單，只要3湯匙蒜茸及莞茜一齊炒就可以。

咖啡魚蛋撈丁

細個時，去任何一個車仔檔，食番串魚蛋豬皮都不知幾開心，又滋味! 而家.......檔口係多， 但好食嘅就好少啦! 有時自己花小小時間，整起一大鍋，鍾意就咁食又得，鍾意撈麵又得，自得其樂!

今晚，鮑魚就無啦，整個咖啡魚蛋撈丁，滋味無窮!

食譜打左係word file, 總比直接打內容係呢度方便，format都易整d.