海南雞飯

託朋友係星加坡帶左d 香料包番嚟，其中一樣係海南雞飯醬.

做法好簡單，只要洗好米，加2，3粒蒜頭，2枝香芧(只要白色部份同拍扁)，買到嘅就加一枝班蘭葉，倒入海南雞醬，加埋適量嘅水，如果有就加d 黃薑粉，用電飯煲煲熟就可以. 中間時間，打開蓋打均d 飯就更好.

至於隻雞，洗乾淨雞抹乾水份，雞肚放入蔥段，班蘭葉，香芧，紅蔥頭. 我用慢煮方法 70°C 2小時，跟住搵冰水浸至凍身，切件上碟。 今次貪玩起埋骨，效果當然一流啦。