係老友屋企食飯，教佢整左呢個電飯煲焗雞，快靚正，零失敗!
先買隻新鮮雞，洗淨，吊至乾身，用少許海鹽擦勻雞皮及雞腔內，醃約3小時以上。 預備大量薑片，蔥段，紅蔥頭4至5粒一開四件; 把一部份蔥段，薑片，紅蔥頭放入雞腔內. 其餘放係電飯煲底部，放上雞，洒上2至3湯匙玫瑰露係雞面，就好似平日開製煮飯一樣，直至跳製後，取出雞放涼，切件上碟，記住留番雞汁呀。
用電飯煲焗雞有個好處，時間剛剛好，雞肉滑流，保存番雞嘅香味。 用番原來雞汁同雞一齊上碟，包你食唔停!
沒有留言:
發佈留言