今晚條魚頂瓜瓜

今日如常叫左魚檔哥哥留魚, 當買晒野, 最後一站去佢到攞魚時, 佢叫我去行多一陣, 半個鐘到有新魚番. 咁緊係等啦, 又唔趕時間.好準時, 見佢父親大人車左一大桶魚番嚟, 我啦老公係埋一邊唔出聲, 等魚檔哥哥搵好魚比我地, 結果, 搵左條芝麻海班, 仲搵左幾條金勾, 隔離位師奶本來話要, 老闆話要留比我地, 太感恩啦! 除左魚, 仲有蟹同3隻細版鮮魷.

有好魚, 就要有好湯 :沙芯海竹百合木瓜湯 - 材料: 木瓜, 粟米, 排骨, 沙芯, 海竹, 百合, 微豆, 花生, 無花果, 果皮, 煲2.5小時.

芝麻海斑, 好味到無朋友!  頂瓜瓜

Strawberry Sorbet ~ 測試版

參考左“Candice Kitchen”食譜, 整左呢個雪芭, 快靚正, 唔錯!  不過老公唔鐘意, 酸喎………!

材料：新鮮士多啤梨切粒 – 大約430G原味乳酪 2杯蜜糖 4-5湯匙

做法:

1.   先將士多啤梨切粒提前一晚放在冰格雪24小時
2.   把士多啤梨從冰格取出，放在室溫約15分鐘
3.   預備攪拌機, 打士多啤梨, 乳酪打至溶身
4.   加入蜜糖再打15秒, 如果試味唔夠甜, 可以再加蜜糖再打, 直至味道合心意
5.   把所有溶液放入密盒, 冷藏3小時.** 雪芭甜度, 跟個人喜好加減蜜糖份量

好耐無見 ～ Blueberry Honey Muffins

"Blueberry Muffins" 好耐無見啦!嘩..... 真係好耐都無整muffins 呢個小玩意. 呢期跟左"獨角先" 加入buttermilk 整, muffins 真係鬆軟好多, 蜜糖份量亦加多左, 令到蛋糕散發陣陣幽香, 得!

 

 

涼拌黑木耳伴醉鮑魚

醉鮑魚同黑木耳原來都可以係好朋友, 最近參考左大少奶嘅醉鮑魚做法, 再伴埋黑木耳一齊食, 又幾唔錯喎.

 

涼拌黑木耳：鮮木耳 4兩蠔油 1.5 湯匙麻油 1.5 湯匙芝麻 適量

1. 洗淨黑木耳，用滾水焯3分鐘，隔水備用

2. 蠔油，麻油，倒入黑木耳拌勻，放入雪櫃2小時或以上。上碟後加上芝麻。

 

醉鮑魚：鮮鮑魚 6隻糟鹵 1枝 杞子 1湯匙砂糖1茶匙花鵰酒 1/5杯（隨意)

1. 鮮鮑魚洗淨，隔水蒸熟，放入冰水中浸15分鐘以上，隔水備用.

2. 杞子用熱水浸1分鐘，隔去水份

3. 花雕， 糟鹵 ，砂糖拌勻，加入杞子，鮑魚，放入雪櫃4小時以上。

 

如果想要重d酒味，加少少花雕，糟鹵本身有酒香，但加左花雕會更香。記住要用冰水浸鮑魚，先可以令肉質更爽口。糟鹵可以循環再用，不過杞子可以每次用新嘅去浸。雞翼，鮑魚，蝦。。。。都可以用呢個方式去做。

 

 

去濕湯

最鍾意行街市, 唔覺意學到好多野架! 好似今次咁, 菜檔哥哥教煲呢個去濕湯!

睇到下面材料啦, 加半斤排骨, 少少南北杏, 我個人鐘意加多塊果皮同3粒無花果, 煲個半鐘就OK!

金婚紀念蛋糕

一個乖仔，再加埋個好新抱，為父母慶祝金婚紀念。跟我訂左個蛋糕比兩佬, 咁有意思, 點都要花小小心思嘅!

感恩, 搵裝飾用品都好順利, 特別鳴謝一間workshop 嘅老闆娘, 係我愁緊去邊到搵對酒杯做裝飾嘅時候, 佢好好, 話自己女女玩具有, 可以送兩隻比我用! 當時真係開心到不得了! 感恩, 遇上貴人! 希望呢個蛋糕可以為曾仕一家增添光彩！Cheers:) 

Mr. & Mrs. Tsang, Happy Golden Wedding Anniversary!

蛋糕組合:
底層 - 杏仁蛋糕
中層 - 焗原味芝士蛋糕
中層 - 薄薄得藍梅果醬
面層 - 檸檬芝士慕士蛋糕