今日如常叫左魚檔哥哥留魚, 當買晒野, 最後一站去佢到攞魚時, 佢叫我去行多一陣, 半個鐘到有新魚番. 咁緊係等啦, 又唔趕時間.好準時, 見佢父親大人車左一大桶魚番嚟, 我啦老公係埋一邊唔出聲, 等魚檔哥哥搵好魚比我地, 結果, 搵左條芝麻海班, 仲搵左幾條金勾, 隔離位師奶本來話要, 老闆話要留比我地, 太感恩啦! 除左魚, 仲有蟹同3隻細版鮮魷.
有好魚, 就要有好湯 :沙芯海竹百合木瓜湯 - 材料: 木瓜, 粟米, 排骨, 沙芯, 海竹, 百合, 微豆, 花生, 無花果, 果皮, 煲2.5小時.
芝麻海斑, 好味到無朋友! 頂瓜瓜
沒有留言:
發佈留言