今晚有好魚 - 波板䱽

忙碌過後，整番餐好野比自己食，獎勵吓都要啦！

魚檔哥哥幫我留左條"波板䱽"，樣貌同普通䱽魚無咩分別，但食落就好滑口，好好味，另外買左4隻大蝦整"豉油皇大蝦"，正爆！

送給好朋友的結婚禮物

好朋友結婚，搵左我幫手整cupcakes, 當然無問題啦，興奮又緊張，話晒係佢地大日子，不能失禮。有好幾晚都瞓唔着啦。。。。。

星期五晚，用左3個鐘，焗左五十幾個餅，計劃星期六朝用兩個鐘做cream 同裝飾，8點開始整。。。。點知出事。。。。。可能用座枱大機打得太耐，變晒水！死得啦，牛油用晒，啦啦聲落樓下超市再買，貴好多，但無計，再用手動機做，就無事，但時間緊迫，做完執好晒野都12點半，約左車1點半到，即刻去裝身化妝，成朝都只係食左個橙咋。

感恩，出嚟都幾見得吓人，在場d 人都讚好。心情終於放鬆晒。。。。

我的心意，張生張太已經收晒，祝你地永遠都甜甜蜜蜜，幸福滿溢。

素湯

自從見”唔熟唔食”煲左幾次素湯，好似好吸引咁，而近期亦為自己要減磅，煲番轉飲吓都好。

材料包括紅蘿蔔，粟米，黑木耳，馬蹄，腰果，冬菇，果皮，無花果，水滾後落料，中火煲10分鐘，轉細火煲兩小時。

已預備好了。。。。

好朋友嘅好日子就到，答應了為她整cupcakes, 雖然唔係好多，但點要預習吓。。。。。

這個樣子，不錯呀 :)

豬扒餐

上日係街市見到好新鮮嘅黑毛豬扒，一pack 兩塊，$64都ok , 買嚟試吓啦，又幾好食喎，我只係用少少老抽搽係肉面，再加少少黑楜椒，香芧粉，就去煎啦，上碟加番少少海鹽，已經好好食。

蕃茄

今日係大埔街市，見到老闆娘成日話好少貨嘅黑蕃茄，其實都唔係好黑啫，原來佢叫俄羅斯茄，好甜好爽口，買嚟做沙律或者當小吃非常好。

鮮魚湯燴青口

今日用左20條魚仔煲左個魚湯，用左一部份燴青口，鮮魷魚，好好食，簡直比美白汁青口！仲整左個法包點湯汁食，正！由於魚湯汁除左有海鮮味外，仲加左西芹粒同蕃茄粒，另到個湯汁更出色！

食譜遲d 會post.

送給我的老朋友。。。

Be~lated birthday cake 送比我的老朋友，由於佢之前忙住搬屋，所以到今晚先可以送上我的心意。

希望你食左我呢個cake, 無破壞你減肥大計啦。
祝你繼續keep得好fit, fit 爆，靚爆! 最緊要心情都靚爆，身體健康到爆!

"榛子藍梅芝士蛋糕"

包包。。。

麵包機買左好耐，都未試過用佢發酵功能去整做型包，今日就去玩番轉!

機發酵出嚟嘅麵團真係幾靚，攞左麵團出嚟後，放氣，做型，再發酵多45分鐘就入得爐。

今日玩左腸仔包同火腿芝士，樣子唔錯，包包好軟熟，正!

享受五星級的滋味

离晚又約埋老友記開大餐，呢期主題係西餐，我就負責左前菜及甜品，朋友就負責主菜。

我地都話，係屋企都食到咁，點攪呀？! 擺得靚靚，有晒裝飾，真係同出面食無咩分別，咁當然, 屋企食實際好多啦！

最後甜品係心太軟，即場整，大家分工合作，快快手五個心太軟就出爐啦，雖然兩個倒出嚟時穿左，整體上都好prefect!

我都係果句，係屋企，都可以享受五星金的滋味!

Menu
炸蝦雲吞伴青瓜
芝士菠菜釀大菇
即食鵝肝
牛尾什菜湯
白汁青口
牛扒
心太軟

無啦啦。。。。心太軟

今晚坐車番屋企，一路坐，一路唸星期六大食會整咩頭盤，因為甜品大家都已經話食心太軟啦。唸吓，唸吓。。。。。突然好想食! 所以今晚只係煮蝦子麵，跟住就整個心太軟滿足吓自己，好開心啊！

檸檬雙層芝士蛋糕

老友嘅媽媽70歲生日，叫我幫手整個生日蛋糕，當然無問題啦！

Auntie 鍾意cheese, 就整左呢個double layer cheese cake.  最底層係果仁餅底，跟住係焗嘅原味cheese cake, 塗上一層藍莓果醬，最後倒上lemon cheese (mousse).  多層唔同口感，滿足晒鍾意芝士嘅人。

Auntie, 祝你生日快樂，身體健康，日日都開開心心! 第一次為你做餅，唔好厭棄啊，希望你鍾意啦。