梅酒

本來都唔唸住再浸酒，又懶得去搵梅，點知老友記有一大籮青梅，可以供應比我浸，就浸左一大樽啦。 同上年一樣，用左三蒸酒，有話三蒸比孖蒸更香醇，浸左梅嘅酒真係幾好飲，比起日本清酒更香。

浸酒比例
1 : 1 : 0.5 / 0.6

1份梅 : 1 份酒 : 0.5 份冰糖 or 0.6 份冰糖

我自己先浸左梅先，等d 梅完全吸收晒d 酒，3個月後，再加入冰糖，再等多半年後，就可以飲啦。 當然，酒時間越耐，味道越香，不過青梅浸得一年多d, 就要攞走，梅浸得太耐，會有變味情況。