為慶祝我老朋友生日, 整左呢款"Mango Delight", 佢愛芒果, 所以佢一定愛它!
組合 - 底層 : 意式香草奶凍中層 : 鮮芒果粒上層 : 芒果慕絲頂層 : 芒果茸加魚膠片溶液淋面
2012年12月15日星期六
2010年5月2日星期日
馬豆糕
好耐都無整吓馬豆糕, 難得前日買到新鮮椰汁, 就整咗底食吓. 咁啱陳太昨日叫食飯, 切咗一大舊去一齊食. 陳太話呢次好香滑wow, 可能就係用咗鮮椰汁同whipping cream 啦.
*******************************
材料:馬豆 70-80g whipping cream 80g砂糖 110g (可以因個人口味而加減)鮮椰汁200g鷹粟粉 85g (我會將粟粉過篩)馬豆水 2.5杯 (即係將煮過ge馬豆 ge 水留用, 唔夠2.5杯, 可加入清水) 做法:(1) 凍水落馬豆, 等水滾後, 轉中火煮約20-25分鐘，之後熄火焗10分鐘，咁就焾晒. 隔去馬豆水待用.(2) 將椰汁，wipping cream加入鷹粟粉攪均, 過篩(3) 用中火把馬豆水2.5杯煮滾加糖煮溶，慢慢再加入已開匀之鷹粟粉槳 (可把火慢慢較細)，不停地攪拌直至煮滾, 最後加入馬豆又再攪匀, 熄火，倒入一個已用冰水搪過之盆中，凍後放入雪柜，數小時後切件進食。 ** 如果無鮮椰汁 同 wipping cream, 可用罐裝椰汁 & 花奶代替.
2009年10月26日星期一
三嫂椰汁馬豆糕 (A貨版)
近期係報章上見到人稱港大「 U-Hall三寶」的三嫂所提供的馬豆糕秘方, 最緊要係要用新鮮椰汁。我又跟吓跟吓, 就做咗個"A"貨板三嫂馬豆糕。材料完全跟足, 不過份量就有小小出入, 因為佢有d用"兩" 嚟計, 我唔識點樣轉番"g", 只係知1斤大約=600g。雖然未有機會食過三嫂正版嘅馬豆糕, 無得比較吓個差距, 不過呢個A版出嚟效果都好好。自己就覺得d奶味重咗小小, 因為佢所用嘅奶d味道係比較濃d。A貨版的份量:馬豆糕（2底份量）新鮮椰汁 ： 600g植脂子母淡奶 ： 200g馬豆 ： 100g牛油 ： 20g粟粉 ： 170g沙糖 ： 230g水 ： 1000g******************************************正版三嫂甜品秘方馬豆糕（四底份量）-•新鮮椰汁 份量： 1斤半 價錢： 36元•植脂子母淡奶 份量： 2罐（ 405克裝） 價錢： 18元•新鮮馬豆 份量： 12両 價錢： 7.5元•牛油 份量： 2片 價錢： 3元•粟粉 份量： 6両 價錢： 3元•沙糖 份量： 1磅 價錢： 3元 馬豆糕材料計有椰汁、粟粉（指定用鷹粟粉）、馬豆、牛油、植脂淡奶及沙糖，「唔好用罐頭椰汁，要用新鮮椰汁，椰香味重，花奶選擇子母較濃味。牛油選買磚頭牛油，會滑啲。」她說，四底（每底容量約長形飯盒大小)。先將馬豆洗淨，放入水煲注滿水過頂約兩吋，猛火煲約 15分鐘後，過冷河再注水猛火煲 15分鐘，調慢火煲一小時，其間要用湯勺慢慢攪拌，以防煲燶，「啲豆唔好煲過腍，要有啲韌度先好食，唔夠經驗可放入口咬吓。」煲完馬豆後，第二步要煮糕；三嫂將兩罐花奶倒入空煲內，再注兩罐水、椰汁、牛油，猛火煲 10分鐘；另將鷹粟粉開茨，「加兩罐水倒落粉度，用手鍊勻唔好一嚿嚿」。當椰汁煮至周邊起泡，倒茨煲 10分鐘，再放入煮熟的馬豆煮 10分鐘。從煮椰汁至放豆，三嫂一直用湯勺在煲內順時針慢慢攪動，「呢個步驟好重要，啲馬豆糕先會均勻，亂攪會出水，啲糕唔好食。」製成的馬豆糕一次過倒在膠盒，「啲糕先會均勻，否則一匙匙倒，凝固時間唔同，會一岩一忽。」
2009年6月25日星期四
2009年5月9日星期六
2009年5月4日星期一
嘩。。。。鑽石呀。。。
如果佢哋真係鑽石我就發達啦!!哈哈.今日試整呢款鑽石朱古力, 成績唔錯, 本來想係個朱古力底整埋花紋, 可惜... 失敗咗. 唔睇個底, 係無問題ge!! heeeeeeee呢個係用了Raspberry Truffle, 好食ga.
Ingredients:
Whipping Cream 20g
Raspberry Puree 20g
Corn Syrup 10g
Dark Couverture 26g
Kirsch 10g
(1) 隔水煮熱 whipping cream, raspberry and corn syrup, 加入dark couverture等1 min後攪混.
(2) 涼後加入 Kirsch
訂閱：
文章 (Atom)