自上年浸左嘅兩大樽梅酒, 好平好潮, 雖然甜左D, 但梅味十足, 加冰後飲, 一流! 第一樽已剩番無幾, D 梅點算呢, 我又唔鐘意食, 結果, 整左"梅酒果醬", 用D 梅加上砂糖及檸檬汁煮成醬, 雪凍後攞嚟搽麵包, 都幾好架.
2013年2月9日星期六
2012年12月25日星期二
Cream Brulee
今日聖誕夜, 不如食番個簡簡單單嘅"Cream Brulee".
材料 (份量為5-6小杯)
A淡忌廉250g純牛奶 44g雲尼拿條1/2條 (剪開中間，刮出雲尼拿籽與外皮備用)砂糖20g
B淨蛋黃 47g (約3隻)砂糖20g純牛奶 40g
做法:
1. 焗爐預熱150度
2. 分別將A 同 B各別攪勻
3. 以細中火煮A混合物，滾起後立即倒入載有B的大碗中混合，隔走雲尼拿條
4. 焗盤注入1cm高之清水。完成之蛋液隔篩注入小瓷杯，放入焗盤座水焗30分鐘
5. 成形之燉蛋放入雪櫃，係依前在蛋面上灑薄薄一層砂糖(額外份量)，以火槍熱至微焦
2012年12月15日星期六
Mango mousse cup
為慶祝我老朋友生日, 整左呢款"Mango Delight", 佢愛芒果, 所以佢一定愛它!
組合 - 底層 : 意式香草奶凍中層 : 鮮芒果粒上層 : 芒果慕絲頂層 : 芒果茸加魚膠片溶液淋面
2010年5月2日星期日
馬豆糕
好耐都無整吓馬豆糕, 難得前日買到新鮮椰汁, 就整咗底食吓. 咁啱陳太昨日叫食飯, 切咗一大舊去一齊食. 陳太話呢次好香滑wow, 可能就係用咗鮮椰汁同whipping cream 啦.
*******************************
材料:馬豆 70-80g whipping cream 80g砂糖 110g (可以因個人口味而加減)鮮椰汁200g鷹粟粉 85g (我會將粟粉過篩)馬豆水 2.5杯 (即係將煮過ge馬豆 ge 水留用, 唔夠2.5杯, 可加入清水) 做法:(1) 凍水落馬豆, 等水滾後, 轉中火煮約20-25分鐘，之後熄火焗10分鐘，咁就焾晒. 隔去馬豆水待用.(2) 將椰汁，wipping cream加入鷹粟粉攪均, 過篩(3) 用中火把馬豆水2.5杯煮滾加糖煮溶，慢慢再加入已開匀之鷹粟粉槳 (可把火慢慢較細)，不停地攪拌直至煮滾, 最後加入馬豆又再攪匀, 熄火，倒入一個已用冰水搪過之盆中，凍後放入雪柜，數小時後切件進食。 ** 如果無鮮椰汁 同 wipping cream, 可用罐裝椰汁 & 花奶代替.
2009年10月26日星期一
三嫂椰汁馬豆糕 (A貨版)
近期係報章上見到人稱港大「 U-Hall三寶」的三嫂所提供的馬豆糕秘方, 最緊要係要用新鮮椰汁。我又跟吓跟吓, 就做咗個"A"貨板三嫂馬豆糕。材料完全跟足, 不過份量就有小小出入, 因為佢有d用"兩" 嚟計, 我唔識點樣轉番"g", 只係知1斤大約=600g。雖然未有機會食過三嫂正版嘅馬豆糕, 無得比較吓個差距, 不過呢個A版出嚟效果都好好。自己就覺得d奶味重咗小小, 因為佢所用嘅奶d味道係比較濃d。A貨版的份量:馬豆糕（2底份量）新鮮椰汁 ： 600g植脂子母淡奶 ： 200g馬豆 ： 100g牛油 ： 20g粟粉 ： 170g沙糖 ： 230g水 ： 1000g******************************************正版三嫂甜品秘方馬豆糕（四底份量）-•新鮮椰汁 份量： 1斤半 價錢： 36元•植脂子母淡奶 份量： 2罐（ 405克裝） 價錢： 18元•新鮮馬豆 份量： 12両 價錢： 7.5元•牛油 份量： 2片 價錢： 3元•粟粉 份量： 6両 價錢： 3元•沙糖 份量： 1磅 價錢： 3元 馬豆糕材料計有椰汁、粟粉（指定用鷹粟粉）、馬豆、牛油、植脂淡奶及沙糖，「唔好用罐頭椰汁，要用新鮮椰汁，椰香味重，花奶選擇子母較濃味。牛油選買磚頭牛油，會滑啲。」她說，四底（每底容量約長形飯盒大小)。先將馬豆洗淨，放入水煲注滿水過頂約兩吋，猛火煲約 15分鐘後，過冷河再注水猛火煲 15分鐘，調慢火煲一小時，其間要用湯勺慢慢攪拌，以防煲燶，「啲豆唔好煲過腍，要有啲韌度先好食，唔夠經驗可放入口咬吓。」煲完馬豆後，第二步要煮糕；三嫂將兩罐花奶倒入空煲內，再注兩罐水、椰汁、牛油，猛火煲 10分鐘；另將鷹粟粉開茨，「加兩罐水倒落粉度，用手鍊勻唔好一嚿嚿」。當椰汁煮至周邊起泡，倒茨煲 10分鐘，再放入煮熟的馬豆煮 10分鐘。從煮椰汁至放豆，三嫂一直用湯勺在煲內順時針慢慢攪動，「呢個步驟好重要，啲馬豆糕先會均勻，亂攪會出水，啲糕唔好食。」製成的馬豆糕一次過倒在膠盒，「啲糕先會均勻，否則一匙匙倒，凝固時間唔同，會一岩一忽。」
訂閱：
文章 (Atom)