呢碟魚仔, 係星期六魚檔哥哥送, 已經唔記得咩名, 我原風不動, 放佢入冰格, 今晚攞出嚟蒸, 加少許海鹽, 蒸完後, 只加熟油, 唔落豉油, 已鮮甜無比, 但呢隻細魚都多骨, 我只食左3條, 其餘老公清晒.
另外係街市, 買左好靚嘅腩排, 整左"糖醋骨", 突然發現屋企枝陳醋用晒, 就用左鬼佬醋, 效果唔錯, 醋味仲香.
介紹個汁料:1/4 杯黑醋 1/4 杯水 1/8杯生抽 1/8杯紹興酒或者玫瑰露 適量冰糖只要把排骨洗淨, 用少許生抽, 老抽, 麻油, 砂糖, 粟粉醃一陣, 跟住燒熱鑊, 加入已切好薑茸及蒜茸(適量), 炒香後, 加入排骨炒幾吓, 加入汁料, 最好水位係高過肉, 上蓋, 用中細火炆至收水就可以, 中途可以試吓味, 唔夠醋味或甜味, 可以自行再加.
因為雪櫃出現左少少問題, 要盡快清左D芝士同牛油, 用最簡單快捷方法, 整左個"Blueberry Cheese Cake".
魚檔哥哥話, 呢個月"雞魚"又肥又滑, 又確實無介紹錯, LIKE!
越嚟越多人用麵包機, 朋友亦買左Panasonic 麵包機, 還讚不絕口, 亦試過整出嚟嘅包包, 又真係唔錯!考慮左好耐, 終於去買左啦!
唔太大部, 屋企剛剛有個牀位fit 到比佢! YEAH!
今日第一round, 試整提子麵包, 我先將D 提子乾用RUM 酒浸左2個鐘, 跟住要用kitchen paper 索番乾身先可以用, 食譜中用白砂糖, 我用左brown suguer 代替, 用"麵包"功能, 包括埋發酵時間, 4小時就焗好, 我今日12點將所有材料入機, 4點就出爐啦!
它 - 就是我今日嘅afternoon tea! 外脆內軟, 好好味啊! 佢仲有時間預設, 仲可以設定第二朝起身就有新鮮麵包食! 太好了!
自上年浸左嘅兩大樽梅酒, 好平好潮, 雖然甜左D, 但梅味十足, 加冰後飲, 一流! 第一樽已剩番無幾, D 梅點算呢, 我又唔鐘意食, 結果, 整左"梅酒果醬", 用D 梅加上砂糖及檸檬汁煮成醬, 雪凍後攞嚟搽麵包, 都幾好架.
經過幾晚，加埋今朝兩粒鐘，7底蘿蔔糕，5底苧頭糕，5大5小薑汁年糕，終於大功告成啦! 收爐囉!
祝願大家步步高昇，心想事成，恭喜發財!
今日聖誕夜, 不如食番個簡簡單單嘅"Cream Brulee".
材料 (份量為5-6小杯)
A淡忌廉250g純牛奶 44g雲尼拿條1/2條 (剪開中間，刮出雲尼拿籽與外皮備用)砂糖20g
B淨蛋黃 47g (約3隻)砂糖20g純牛奶 40g
做法:
1. 焗爐預熱150度
2. 分別將A 同 B各別攪勻
3. 以細中火煮A混合物，滾起後立即倒入載有B的大碗中混合，隔走雲尼拿條
4. 焗盤注入1cm高之清水。完成之蛋液隔篩注入小瓷杯，放入焗盤座水焗30分鐘
5. 成形之燉蛋放入雪櫃，係依前在蛋面上灑薄薄一層砂糖(額外份量)，以火槍熱至微焦
