月餅班
自上年認識"望月", 就好想去學吓佢至出名嘅奶皇月餅係咪真係講到咁好, 兩個月前知道左佢開班就即刻報名. 有人又話"coup kitchen" 奶皇好好食, 上年去上左一班, 失望, 我自己整嘅, 比果到更好!
其實自己整月餅整左咁多年, 都有少少悶, 自家奶皇唔駛講, 自家炒豆沙都做埋, 酥皮, 傳統廣式嘅都做過晒......
所以想去"望月" 上上堂, 睇吓有無新鮮感. 師傅步伐都快, 如果完全唔識整餅嘅人, 應該好難跟. 呢堂學到好多正確手勢, 真係老師傅方法. 再嚟, 月餅皮好鬆脆, 原因係用好高溫短時間去焗, 280度, 不過...... 家用嘅, 好難去到咁高溫, 我番嚟測試, 都只係去到270度................ 奶皇餡好香, 師傅話正確係原粒蛋黃包入奶皇餡, 咁食法先有層次感, 而家出面將奶皇同蛋黃撈埋, 跟本食唔出各自味道. 我完全應同! 係貴左D, 但值回票價. 16粒月餅, 而家只剩番一半咋!
沒有留言:
發佈留言