清湯腩

今日突然好想整清湯腩，一早就去街市搵牛檔肥妹，呢轉佢介紹用肘肉，即係我地嘅拜拜肉位置，好易淋，好好食，我就買左一斤試試.

炆完出嚟真係好淋，好香牛肉味，的確無介紹錯.

材料: 骯腩 或者 牛肘肉 一斤，蘿蔔一枝

湯底：
八角 2粒、甘草 4片、黑椒粒 1湯匙、香葉 2片、草果 2個、桂皮 2片 (我係雜貨店用$10買左包香料，有齊晒以上材料就方便好多) ; 冰糖1湯匙，鹽 1茶匙、薑 4片、水適量

做法:
1.牛腩原件飛水，放入已煲滾嘅香料湯中煮1.5小時，加入去皮切件蘿蔔，再煲半小時. 熄火焗多半小時. 取出牛腩，放涼後才切件，牛腩可保持完整。

2.享用前淋上熱湯即可。