今日同事話759 嘅麵包蟹好多膏，好食，攞d 膏炒飯就非常正。。。。。衰到死，挑起我條根，就係唸住今晚炒飯。。。。。結果忍不住，走左去759 買左隻麵包蟹番嚟啦!
800g, $88, ok la. 我隔水蒸熱後，開左蓋攞晒d 膏炒飯，跟住整個dressing, oliver oil + 蒜茸，莞茜碎，海鹽同埋檸檬汁，去將d 蟹肉點嚟食。。。好味道，係我個dressing..... 哈哈哈。其實麵包蟹肉同膏都比較散，味道當然唔夠新鮮蟹好食啦，之不過，貪得意試食吓。之後剩番d 蟹汁，倒埋落碟焯菜心到，唔駛嘥!
沒有留言:
發佈留言