豉油皇大蝦

昨日老公放假，通常佢都會一早去買定d 餸。 佢買左d 好靚嘅大白蝦，同條黃腳。d 蝦好大隻，整豉油皇就最正不過啦!

豉油汁 ~ 老抽5~6湯匙; 生抽 約4湯匙，水 5~6 湯匙，沙糖 1 湯匙， 麻油同糊椒粉少許，如果有魚露，可以加少少

(以上材料可以跟個人喜好而加減)

做法 :
1) 蝦洗淨，去腸，剪蘇，跟住上少許生粉用半煎炸方法至蝦8成熟。

2) 厚薑片幾塊，乾蔥頭2粒開2，開油鑊，爆香薑片，蔥頭，放入蝦，加酒炒均，倒入豉油汁，快手炒，試味，炒至收汁，熄火，加入蔥段，莞茜炒均上碟。