好似好耐都無食過苦瓜炒蛋，前兩日買餸，就叫菜檔哥哥執隻靚苦瓜我炒蛋，佢即時就教我點整最好食 :
苦瓜洗完切件，開大火燒熱鑊，落油，轉中火，倒入苦瓜平均放係鑊面，唔好攪佢，煎大約一分半鐘，就反轉佢又煎，當見到苦瓜邊有少許金黃色，再開大火，加油，落蛋轉中火，煎至兩面金黃色就ok.
我整完，其實同我平時煎嘅差唔多啫，哈哈!
我用左一個大苦瓜切件，4隻蛋+2隻蛋份量嘅雞湯+蔥粒打均，咁樣d 蛋煎出嚟唔會咁實。煎苦瓜時，我都會加小許鹽同糖出出味。
同場加映牛肉粒炒芥蘭，牛肉粒只係街市買，平平地，但牛味都好濃，好味!
沒有留言:
發佈留言