今晚奶奶過嚟食飯，佢口味比較淡，簡單整幾個家常便飯，啱晒口味。
先嚟"苦瓜粟米素湯"
兩個大苦瓜切大件, 粟米一條切件
半碗腰果 + 合桃, 2湯匙黃豆, 一起浸水10分鐘
白背黑木耳2-3朶浸水15分鐘, 切件
果皮一塊去囊
煲滾水, 把所有材料(除了黑木耳)加入, 先用中大火煲10分鐘, 再轉細火煲40分鐘, 加入黑木耳煲20分鐘, 加鹽調味.
蜜汁义燒
要買半肥瘦梅頭肉一斤, 用3湯匙义燒醬, 1湯匙柱侯醬, 1湯匙海鮮醬, 1湯匙冰梅醬, 2湯匙玫瑰露, 2湯匙薑汁及1湯匙黃砂糖醃半日或以上.
掃面糖槳, 用1湯匙冰糖, 加少許滾水攪溶, 加入5湯匙麥芽糖坐熱水待用
焗爐用230度先焗10分鐘, 反轉焗10分鐘, 掃上糖槳焗5分鐘, 再反轉掃上糖槳再焗5分鐘, 直至兩面都有少少燶面, 就可以. 放涼10分鐘以上先切件上碟.
蒸火點 (海魚嚟架)
梅菜蒸茄子 (呢隻係台灣茄子, 型狀似細南瓜型, 好甜)
甜品凍食"檸檬馬蹄露"
睇過"唔熟唔食" 介紹呢款甜品, 天熱食啱晒胃口, 我用番自己整開嘅食譜, 熄火加左3湯匙檸檬汁及半個檸檬皮茸, 煮好放涼, 入雪櫃, 幾時食都可以.
沒有留言:
發佈留言